craft shopping in bangkok

اشتريت هال النول من محل بن شوب للصناعات اليدويه من سنترال ورلد والحلو انه يناسب الاطفال بناتي وحده عمرها 6 سنوات

والثانيه 10 استخدمنه بروحه وبمساعده بسيطه من المدربه في المحل وسون هال الطاقيه

اشتريت وايد اغراض ما لقيتها عندنا مثل الجهاز الصغير الي يشبك الخيط بالابره ،،، الصراحه وايد مفيد وفكرته مبتكره

خذيت مساطر علب لحفظ الابر وحفظ الدبابيس ومقصات متنوعه



خيوط مبرومه لتزين الشنط الي ناويه اسويها :)



طبعا اغتنمت الفرصه وتعلمت knitting وسويت طاقيه بعد كتجربه لشغلي

وهاي الطاقيه الي تعلمتها وسويتها شو راايكم حلوه صح سويتها هديه لبنت اختي الحبوبه فديت روحها روضه








3 التعليقات:

hope يقول...

ما شاء الله


الصراحة انا كنت اتجول ع المدونات و طحت ع هاي المدونة


جدا حلو ان نشووف مواهب اماراتية

ربي يحفج و يحفظ لج بناتج

و تفرحين بهم


^^

miia يقول...

هلا حبوبة واااو جنان اغراضج بالنسبة للسلك الطويل مال ير وقلب القماش هذا موجود في مجرودي وعندي شراته واله تركيب الخيط في الابرة توني شاريته من محل برنينا في دبي,,,


ويالله في انتظار بقية تصويرج وترجعيلنا بالسلامة

طموحه بوظبي يقول...

hope : تسلمين الغاليه ،،، وان شاء الله

تتابعي المدونه دوم :)

miia: المجرودي صاروا ايبون ادوات وايد حلوه انا ماخذه بعد من عندهم دبابيس ومقصات بمر عليهم ان شاء الله ،،، خاصه ان شفت من قبل عندهم الوان روعه
للصوف ،، اما برنينا الصراحه صعب اروح دبي هال الفترة ،،،

إرسال تعليق

 

NANA KID BOUTIQUE Copyright © 2010 Designed by Ipietoon Blogger Template Sponsored by Emocutez